काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओली सैनिक ब्यारेकबाट बाहिरिएका छन्।
जेनजी प्रदर्शनका क्रममा सुरक्षाको कारण देखाउँदै नेपाली सेनाले उनलाई नियन्त्रणमा लिएर २४ भदौदेखि सैनिक ब्यारेकमा राखिएको थियो। प्रधानमन्त्री पदबाट राजीनामा दिएपछि उनी त्यहाँ बस्दै आएका थिए।
सुरक्षा स्रोतका अनुसार, बालकोटस्थित उनको घर प्रदर्शनकारीले जलाएपछि ओली भक्तपुरको गुण्डु सरेका छन्। त्यहाँका लागि भाडाको घर लिइएको छ।
ओलीलाई गुण्डु पुर्याउने पहल एमाले पोलिटब्युरो सदस्य महेश बस्नेतले गरेका हुन्। बस्नेतले चाँडै ओलीलाई भव्य कार्यक्रममार्फत सार्वजनिक गर्ने तयारी भइरहेको बताएका छन्।
प्रकाशित मिति: बिहीबार, असोज २, २०८२
