काठमाडौं । नेपालका वरिष्ठ नेत्र चिकित्सक तथा ‘नेपालका पिता’ भनेर सम्मानित सन्दुक रुइत मंगलबार प्रधानमन्त्री सुशीला कार्कीको निमन्त्रणामा तिलगंगा आँखा प्रतिष्ठानमै प्रधानमन्त्रीसँग विशेष भेटवार्तामा सहभागी भए।
जेन–जी आन्दोलनलगत्तै बनेको अन्तरिम सरकारलाई मजबुत बनाउन प्रधानमन्त्री कार्कीले रुइतलाई सरकारमा सहभागी हुन आग्रह गरेकी थिइन्। आन्दोलनको चरम समयमै रुइतले आफ्नो समर्थन प्रकट गर्दै जनताको पक्षमा खुलेर बोलेका कारण उनी सरकारमा प्रवेश गर्ने चर्चाले समेत तातो रूप लिएको थियो।
प्रधानमन्त्री कार्कीले विशेष परिस्थितिबाट बनेको सरकारलाई जनसमर्थन दिलाउन र विश्वास जगाउन रुइतको नाम उपयुक्त हुने भन्दै मन्त्रीस्तरमै भूमिका लिन आग्रह गरिन्।
तर, छलफलपछि डा. रुइतले स्पष्ट जवाफ दिए– आफू प्रत्यक्ष राजनीति वा मन्त्रीस्तरको पदमा जान नसक्ने। उनले भने, “म बिरामीलाई छाडेर जान्न सक्दिनँ। सरकारलाई सहयोग गर्ने हो, तर मेरो प्राथमिकता अस्पताल र सेवाग्राही नै हुन्।”
विश्वस्त स्रोतका अनुसार, प्रधानमन्त्री कार्कीले सरकारलाई प्राविधिक तथा नैतिक सशक्त बनाउन रुइतको उपस्थितिलाई महत्वपूर्ण मान्थिन्। तर, रुइतले विगतदेखि नै राजनीतिक पदभन्दा चिकित्सकीय सेवा नै आफ्नो जीवनको ध्येय भएको दोहोर्याए।
नेपालमा लाखौँ मानिसलाई अन्धोपनबाट मुक्त गराएका र विश्वभर नेत्र विज्ञानमा योगदान पुर्याएका सन्दुक रुइत ‘नेपालका पिता’ का रूपमा चिनिन्छन्। जनताको आन्दोलनमा उनले देखाएको सहानुभूति र प्रत्यक्ष समर्थनले जनताबीच थप सम्मान कमाएको छ। तर, उनका लागि नागरिकप्रति सेवाको तरिका भने अझै अस्पतालकै कक्षभित्र सीमित छ।
प्रकाशित मिति: मंगलबार, भदौ ३१, २०८२
