काठमाडौं । नवनियुक्त अर्थमन्त्री रामेश्वर खनालले निजी क्षेत्रको मनोबल कम हुन नदिने स्पष्ट प्रतिवद्धता जनाएका छन्।
सोमबार पदभार ग्रहण कार्यक्रममा उनले निजी क्षेत्रसँग निरन्तर अन्तर्क्रिया गर्दै हिजोभन्दा आजको अवस्था फरक महसुस हुने वातावरण बनाउन अर्थमन्त्रालयले काम गर्ने बताए।
उनले राजस्व संकलनमा कुनै कमी आउन नदिने प्रतिबद्धता पनि व्यक्त गरे। साथै, व्यक्तिगत कामका लागि घरमा नआउन आग्रह गर्दै उनले आफैं गाडी चलाएर राष्ट्रपतिको कार्यालय गइसकेको र चालकबाहेक अन्य सुविधा नलिने घोषणा गरे।
प्रकाशित मिति: सोमबार, भदौ ३०, २०८२
