काठमाडौं । मंगलबार दिनभरको तनाव नियन्त्रणमा आउन नसकेपछि नेपाली सेनाले सुरक्षा जिम्मेवारी लिन तयारी गरेको छ।
सैनिक सूचना तथा जनसम्पर्क निर्देशनालयले जारी गरेको विज्ञप्तिअनुसार लुटपाट, आगजनी र तोडफोड जस्ता गतिविधि रोक्न राति १० बजेदेखि सेनासहित सबै सुरक्षा संयन्त्र परिचालन हुने उल्लेख गरिएको छ।
विज्ञप्तिमा भनिएको छ, ‘विषम परिस्थितिको अनुचित फाइदा उठाउँदै केही समूहले सर्वसाधारण नागरिक र सार्वजनिक सम्पत्तिमा ठूलो क्षति पुर्याइरहेका छन्। यस्तो गतिविधि नियन्त्रणका लागि सम्पूर्ण राष्ट्रवासीको सहयोग अपेक्षित छ।’
निर्देशनालयले सुरक्षास्थितिको पुनर्मूल्यांकन पछि आवश्यक अनुसार थप जानकारी सार्वजनिक गरिने समेत जनाएको छ।
प्रकाशित मिति: मंगलबार, भदौ २४, २०८२
