काठमाडौं । राजधानीको नक्सालमा रहेको हिल्टन होटलमा प्रदर्शनकारीहरूले आगजनी गरेका छन्। आक्रामक बनेका जेनजी आन्दोलनकारीहरूले सोमबारदेखि सुरु गरेका विरोध प्रदर्शन आज पनि तीव्र रूपमै जारी राखेका छन्।
प्रहरी प्रधान कार्यालय नजिकै रहेको सो होटललाई आन्दोलनकारीहरूले निशाना बनाएको प्रहरीले जनाएको छ।
काठमाडौं मात्र नभई देशका ठूला शहरहरूमा पनि प्रदर्शन फैलिएको छ। नेताहरूको निवास, पार्टी कार्यालयदेखि प्रहरी कार्यालयसम्म प्रदर्शनकारीहरूले लगातार ढुंगामुढा गरिरहेका छन्।
स्थिति तनावपूर्ण बन्दै गएपछि मन्त्रीहरूलाई समेत नेपाली सेनाको हेलिकप्टरमार्फत अन्यत्र सारिएको सरकारी स्रोतले जनाएको छ।
प्रकाशित मिति: मंगलबार, भदौ २४, २०८२
