काठमाडौं । त्रिभुवन अन्तर्राष्ट्रिय विमानस्थल अस्थायी रूपमा बन्द गर्ने तयारी गरिएको छ।
नेपाल नागरिक उड्डयन प्राधिकरणका एक उच्च अधिकारीका अनुसार गोठाटारलगायत आसपासका क्षेत्रमा लगातार भइरहेका आगलागीका घटना र हवाई सुरक्षामा देखिएको प्रतिकूल अवस्थाका कारण यस्तो कदम चाल्न लागिएको हो।
हाल आकासमा रहेका जहाजलाई अवतरणको अनुमति दिइने तर नयाँ उडान सञ्चालन नगर्ने तयारी गरिएको अधिकारीले जानकारी दिएका छन्।
यसैबीच, विमानस्थलको सुरक्षा नेपाली सेनाले कडाइका साथ सम्हालिरहेको र छिट्टै मुख्य गेट नै बन्द गरेर अन्य सबै गतिविधि रोक्ने तयारी भइरहेको बताइएको छ।
प्रकाशित मिति: मंगलबार, भदौ २४, २०८२
