काठमाडौं । अभिनेता राजेश हमालले २०८२ भदौ २३ गतेलाई नेपालको इतिहासकै सबैभन्दा पीडादायी दिनका रूपमा उल्लेख गरेका छन्।
आज राजधानी काठमाडौंसहित देशभर भएको जेन-जी आन्दोलनमा सरकारी दमनका कारण २० भन्दा बढी युवाको ज्यान गएको घटनाप्रति उनले गहिरो दुख व्यक्त गरेका हुन्।
फेसबुकमार्फत प्रतिक्रिया जनाउँदै हमालले लेखेका छन्,
“हामीले राष्ट्रको रूपमा आफ्ना युवालाई उज्ज्वल भविष्य दिन असफल मात्रै भएका छैनौं, उनीहरूको वर्तमानसमेत खोसिरहेका छौं। म अहिले विदेश यात्रामा निस्कँदैछु तर नेपाली भएकोमा यति लाज मैले कहिल्यै महसुस गरेको थिइनँ। आजको दिन नेपालको इतिहासमा कालो अध्याय बनेको छ।”
जेन-जी भनिने १९९७ देखि २०१२ बीच जन्मिएका २८ वर्षमुनिका युवाहरूको नेतृत्वमा भएको आन्दोलनले आजको नेपालमा ठूलो प्रश्न खडा गरेको छ।
प्रकाशित मिति: सोमबार, भदौ २३, २०८२
