धनगढी । अछामको पञ्चदेवल विनायक नगरपालिका-४ का किशोर विनोद शाहीको हत्याका आरोपीलाई बचाउन सरकारी वकिल कार्यालयले भूमिका खेलेको भन्दै स्थानीय बासिन्दा आन्दोलित भएका छन् ।
उनीहरूले नाराबाजीसहित जिल्ला सरकारी वकिलको कार्यालय र अदालत घेराउ गर्न खोज्दा अछाम सदरमुकाम मङ्गलसेनमा तनाव भएको छ ।
प्रहरीले स्थिति नियन्त्रणमा लिन अश्रु ग्यास प्रहार गर्दै केही राउन्ड हवाइ फायर समेत गरेको छ ।
अभियुक्तलाई अदालत पेस गर्ने तयारी भइरहेका बेला नाराबाजी गर्दै स्थानीय बासिन्दाले सरकारी वकिलको कार्यालय र जिल्ला अदालत घेराउ गर्न खोजेपछि बल प्रयोग गरेर स्थिति नियन्त्रणमा लिइएको प्रहरीले जनाएको छ । त्यस क्रममा केही घाइते भएका छन् ।
प्रकाशित मिति: सोमबार, असार २०, २०७९ १४:०२
