जनकपुर : महोत्तरीको जलेश्वरमा आज बिहान एक छापाखानामा आगलागी हुँदा झन्डै ३० लाख रुपैयाँबराबर को क्षति भएको छ ।
जिल्ला प्रहरी कार्यालय महोत्तरीका अनुसार जलेश्वर नगरपालिका–२ स्थित महेन्द्रचोकमा सुरेन्द्र साहले सञ्चालन गरेको पशुपति छापाखानामा बिहान करिब साढे ५ बजे विद्युत् सर्ट भई आगलागी हुँदा उक्त क्षति भएको हो ।
आगलगीमा परी छापाखानाको फ्लेक्स प्रिन्टर मेसिन, छापाखानाको ठूलो र सानो मेसिन, कागजपत्र, अन्य स्टेसनरी, फर्निचर तथा अन्य सरसामान जलेर नष्ट भएको प्रहरी उपरीक्षक ईश्वर कार्कीले बताए । जलेश्वर नगरपालिकाको बारुणयन्त्र, स्थानीय बासिन्दा र प्रहरीको सहयोगमा एक घण्टापछि छापाखानामा लागेको आगो नियन्त्रणमा लिइएको जिल्ला प्रहरी कार्यालय महोत्तरीले जनाएको छ ।
प्रकाशित मिति: शनिबार, चैत २३, २०७५
