संखुवासभा : संखुवासभामा चट्याङ लागेर घाइते भएका दुई जनाको मृत्यु भएको छ ।
प्रहरीका अनुसार संखुवासभाको पाँचखपन नगरपालिका वडा नम्बर ९ मा चट्याङ लागेर दुई महिला घाइते भएका थिए । उपचारको क्रममा मंगलबार साँझ उनीहरूको ज्यान गएको जिल्ला प्रहरी कार्यालय संखुवासभाले जनाएको छ ।
चट्याङबाट ज्यान गुमाउनेमा ४५ वर्षीया सीता विश्वकर्मा र ५० वर्षीया सुकमाया लिम्बू छन् । घरमा चट्याङ परेर घाइते भएका उनीहरूको वाना स्वास्थ्य चौकीमा उपचारका क्रममा मृत्यु भएको संखुवासभा प्रहरीले पुष्टि गरेको छ ।
प्रकाशित मिति: बुधबार, चैत २०, २०७५
