काठमाडौं : न्याय परिषद्ले सर्वोच्च अदालतमा पाँच न्यायाधीश सिफारिस गरेको छ । मंगलबार प्रधानन्यायाधीश चोलेन्द्रशम्सेर राणाको अध्यक्षतामा बसेको न्याय परिषद्को बैठकले सर्वोच्च अदालतमा पाँच न्यायाधीश नियुक्तिको सिफारिस गरेको हो ।
परिषद्ले कानुन व्यवसायीबाट न्यायाधीश सिफारिस हुनेहरूमा वरिष्ठ अधिवक्ता कुमार रेग्मी, पूर्वमहान्यायाधिवक्ता तथा अधिवक्ता हरिप्रसाद फुयाँल र अधिवक्ता डा. मनोजकुमार शर्मालाई सिफारिस गरेको हो । उच्च अदालतबाट मुख्य न्यायाधीश प्रकाश ढुंगाना र सुष्मलता माथेमा सिफारिस भएका छन् ।
प्रकाशित मिति: मंगलबार, चैत १९, २०७५
