काठमाडौं : हावाहुरीले तराईमा ज्यान गुमाउनेहरुलाई सहयोग गर्न सीताराम कट्टेलसहितको टोली आज बिहान त्यसतर्फ प्रस्थान गर्ने भएकाे छ। ज्यान गुमाउनेहरुप्रति हार्दिक श्रदाञ्जली व्यक्त गर्दै उनले भने, ‘आफूले सकेको सहयोग गर्न त्यसतर्फ म जाँदै छु । यस घटनामा सबैले सकेको सहयोग गर्न आग्रह गर्दछु ।’
तराईमा विशेषगरी बारा र पर्सामा बढी मात्रामा ज्यान गुमाउनेहरु बढेको प्रहरी प्रधान कार्यालयले जनाएको छ । साेमबार बिहानसम्म ज्यान गुमाउनेको संख्या ३२ पुगेको प्रहरीले जनाएको छ ।
हावाहुरीका साथै ठूलो मात्रामा आएको असिना पानीले भएको संरचना भत्किदा उनीहरुको मृत्यु भएको प्रहरीले जनाएको छ । त्यसैगरी पर्सामा मात्रै ४ जनाको ज्यान गएको जनाइएको छ ।
पाँच सयबढी घाईतेहरुलाई वीरगन्ज लगायतका स्थानमा उपचार गराईरहेको प्रहरीले जनाएको छ । इँटाभट्टाको चिम्नी लडेर, गाडी पल्टिएर, विजुलीको पोल ढल्दा उनीहरुको मृत्यु भएको जनाइएको छ ।
प्रकाशित मिति: सोमबार, चैत १८, २०७५
-1732776560.jpg)
