काठमाडाैं : आइतबार साँझको भीषण हावाहुरीका कारण बारा र पर्सामा ३२ जनाको ज्यान गएको पुष्टि भएको छ । सयाैं घाइते भएका छन् । घाइतेको विभिन्न अस्पतालमा उपचार भैरहेको छ ।
अस्पताल घाइतेले भरिएका छन् । तर रगत अभावमा उपचार असहज भएकाे अस्पतालहरुले जनाएका छन् ।
राति भएका कारण उद्दारको काम प्रभावकारी हुन नसकेको र सोमबार उज्यालो हुनेबित्तिकै उद्दारको काम तीव्र रुपमा भैरहेको जिल्ला प्रहरी कार्यालय बाराले जनाएको छ । हावाहुरीपछि विद्युत्त अवरुद्ध भएकाले राति उद्दारको काम प्रभावकारी हुन नसकेको हो ।
हावाहुरीले घर भत्किँदा, बिजुलीको पोल ढाल्दा र केही ठाउँमा गाडी समेत पल्टिँदा धनजनको ठूलो क्षति पुगेको प्रहरीले जनाएको छ ।
प्रकाशित मिति: सोमबार, चैत १८, २०७५
