चौतारा : नेपाल पत्रकार महासंघ जिल्ला शाखा सिन्धुपाल्चोकले स्थानीय,प्रदेश र प्रतिनिधिसभा निर्वाचनमा उम्मेदवार भएका पत्रकारहरुको सदस्यता नविकरण नगर्ने भएको छ । महासंघले केन्द्रीय समितिले देशभर सदस्यता शुद्धिकरण अभियान सञ्चालन गरेको र सोही क्रममा स्थानीय तह निर्वाचन र प्रतिनिधि सभा र प्रदेश सभा निर्वाचनमा राजनीतिक दलबाट उम्मेदवार भइ चुनाव जितेका र उमेदवार भएकाहरुको सदस्यता नविकरण नगर्ने निर्णय गरेको हो ।
यसरी सदस्यता नविकरण नहुनेमा लक्ष्मी पौडेल, भक्तध्वज बोहरा,लकृष्ण तिमिल्सीना,विनोद खनाल र राजन न्यौपाने रहेको सचिव दिनेश थापाले बताए । थापा सुनकोशी गाउँपालिका उपाध्यक्षमा निर्वाचित भएकी थिइन् । बोहरा– त्रिपुरासुन्दरी गाउँपालिकामा अध्यक्षका उमेदवार बनेका थिए । त्यस्तै, तिमिल्सीना बलेफी गाउँपालिकामा अध्यक्षका उमेदवार थिए । खनाल–वडा अध्यक्ष र न्यौपाने प्रदेश सभा उमेदवार बनेका थिए ।
प्रकाशित मिति: बुधबार, चैत १३, २०७५
