काठमाडौं : संखुवासभाको खाँदबारी नगरपालिका ८ रातमाटेमा घरायसी विवाद हुँदा आफ्नै घरमा आगो लगाउनेलाई प्रहरीले नियन्त्रणमा लिएको छ ।
शनिबार राति करिब पौने ९ बजे स्थानीय जिरे राईको घरमा आगलागी भएको जानकारी पाए पछि तत्काल जिल्ला प्रहरी कार्यालय संखुवासभाबाट गएको प्रहरी टोलीले बुझ्ने क्रममा घरायसी विवादका कारण आफ्नै छोरा सन्तोषले घरमा आगो लगाएको खुलेपछि निजलाई पक्राउ गरिएको जिल्ला प्रहरी कार्यालय संखुवासभाले जनाएको छ ।
आगलागीबाट राईको फुसको छानो भएको दुई तल्ले घर, घरमा भएका सामग्री जलेर नष्ट हुँदा चार लाख रुपैयाँ बराबरको क्षति भएको संखुवासभा प्रहरीले जनाएको छ । प्रहरी र स्थानीयवासीको नियन्त्रणमा आगो नियन्त्रणमा लिइएको थियो ।
प्रकाशित मिति: आइतबार, चैत १०, २०७५
-1732776560.jpg)
