काठमाडौं : विप्लव माओवादीका स्थायी समिति सदस्य हेमन्तप्रकाश ओलीलाई चार मुद्दामा अनुसन्धान थालिएको छ । ओली लगायत अन्य केही कार्यकर्तालाई पनि सोही मुद्दामा अनुसन्धान थालिएको प्रहरीले जनाएको छ ।
विशेषगरी राज्यविरुद्धको अपराध, संगठित अपराध, हातहतियार तथा खरखजाना र बम विस्फोटको मुद्दामा अनुसन्धान थालिएको प्रहरी स्रोतले जनाएको छ । मुद्दा चलाइएकाहरूमा रुपन्देहीका वसन्त श्रेष्ठ, रौतहट जिल्ला इन्चार्ज शंकर अधिकारी, रामकृष्ण खतिवडा, बाराका देवराज घिमिरे, बुद्धबहादुर सिन्ताङ लगायत छन् ।
जिल्ला अदालत ललितपुरले सबैलाई आठ दिन थुनामा राखी अनुसन्धान गर्न आदेश दिएको प्रहरीले जनाएको छ ।
प्रकाशित मिति: आइतबार, चैत १०, २०७५
