काठमाडौं : नियमित साहित्यिक शृंखला हामी कवि र कविता मा यस पटक कवि विप्लव प्रतीक र रमेश सायन प्रस्तुत भए ।
सर्वनाम थिएटरमा आज भएको कार्यक्रममा कविद्वयले आफ्ना नयाँ तथा पुराना कविता सुनाए ।
सर्वनाम थियटर र श्री लुनकरणदास-गङ्गादेवी चौधरी साहित्यकला मन्दिरको संयुक्त आयोजनामा हरेक महिनाको पहिलो दिन हुने कार्यक्रममा पहिलो चरणमा आएका कवि सायनले जागिर, धनीमाया थारू उमेर ८४, परिचय, यथार्थ, बुख्याँचा, हिउँदको लामो रातलगायत एक दर्जन कविता सुनाए ।
यस्तै, कवि विप्लवले मेरो खुल्दुली, जेब्रा क्रसमा एउटा कुकुर, हामी बाँचेको युग, नहारेको मान्छे, बा, मलाई मन छलगायतका कविता सुनाए ।
प्रकाशित मिति: बिहीबार, जेठ २, २०७६ ००:०९
