काठमाडौं : वसन्त सापकोटाको शब्द, संगीत तथा स्वर रहेको नयाँ गीत सार्वजनिक भएको छ । सार्वजनिक साइँला माया नलाम भो बोलको गीतमा वसन्तसँगै बेनिशा पौडेलको पनि स्वर रहेको छ । बेनिशाले यसअघि आँखैमा लगाउने गाजल सकियो बोलको गीत गाएकी थिइन् ।
यस गीतबाट आफू निकै आशावादी रहेको वसन्त सापकोटाले बताए । मेरा धेरै गीतहरूलाई दर्शक-श्रोताले रुचाउनुभएको छ । यस गीतमा पनि मैले निकै मिहिनेत गरेको छु , उनले भने, आशा छ, यस गीतलाई पनि उहाँहरूले मनपराउनुहुन्छ । गायिका बेनिशा पनि यस गीतलाई लिएर निकै उत्साहित छन् ।
शान थापाको निर्देशनमा बनेको भिडियोमा गायिका बेनिशा र प्रदीप बाँस्तोलाको अभिनय रहेको छ । राजीव रमरको नृत्य निर्देशन रहेको भिडियोलाई अर्जुन तिवारीले खिचेका हुन् । भिडियोको सम्पादन सुप्रिम पराजुलीले गरेका छन् ।
सार्वजनिक उक्त गीतमा बुद्ध स्याङ्बाको एरेन्ज रहेको छ भने गीतको मिक्सिङ तथा मास्टरिङ किशोर थापाले गरेका हुन् ।
हेर्नुहोस् गीत :
प्रकाशित मिति: शुक्रबार, वैशाख २७, २०७६ २२:००