पाकिस्तानमा गत मंगलबार गएको भूकम्पमा परी मृत्यु हुनेको संख्या ३८ पुगेको प्रहरीले बताएको छ ।
भूकम्पका कारण सो भूकम्पमा परी करिब ५ सय व्यक्ति घाइते भएका सरकारी र स्थानीय सञ्चार माध्यमले जनाएका छन् । पूर्वी पाकिस्तानको मिरपुरलाई केन्द्रविन्दु बनाएर सो भूकम्प गएको थियो ।
मंगलबार अपराह्न गएको साे भूकम्पका कारण पाकिस्तान प्रशासित काश्मिरका कतिपय स्थानका घरहरूमा पूर्ण तथा आंशिक क्षति भएको, सडकमा ठूला–ठूला चिरा परेको, विद्युत्का पोलहरू ढलेको, टेलिफोनका टावरहरूमा क्षति भएको बताइएको छ ।
पूर्वी पाकिस्तान र भारतमा समेत झड्का महसुस भएको थियो । भूकम्प ५.८ रेक्टर स्केलको रहेको अमेरिकी भौगर्भिक सर्वेक्षण संस्था (युएसजिएस) विभागले जनाएको छ ।
प्रकाशित मिति: बिहीबार, असोज ९, २०७६ १९:०५
