काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्री शेरबहादुर देउवालाई भेट्न बालुवाटार गएका छन्।
आज बिहान नेकपा एमालेका वरिष्ठ नेता माधवकुमार नेपाललाई भेटे लगत्तै प्रचण्ड देउवालाई भेट्न बालुवाटार पुगेका हुन् ।मन्त्रिपरिषद् विस्तारको तयारी रहेका बेला शीर्ष नेताहरूले भेटघाटमा सक्रियता देखाइरहेका छन् ।
मन्त्रिपरिषद् विस्तार कहिले हुने भन्ने टुङ्गो लागिसकेको छैन ।प्रधानमन्त्री देउवाले यस अघि नै मन्त्रिपरिषदमा काँग्रेसबाट २ र माओवादीबाट २ मन्त्री नियुक्त गरिसकेका छन् ।मन्त्रिपरिषद् २५ सदस्यीय बनाउन मिल्ने संवैधानिक व्यवस्था छ ।
प्रकाशित मिति: मंगलबार, साउन ५, २०७८ ११:३७