काठमाडौं । नेपाल कम्युनिस्ट पार्टी (नेकपा) को सचिवालय बैठक भोलि मंगलबारका लागि सरेको छ ।
गृहकार्य नपुगेको भन्दै मंगलबार दिउँसो साढे १२ बजेका लागि बैठक सारिएकाे अध्यक्ष पुष्पकमल दाहाल‘प्रचण्ड’को सचिवालयले जनाएको छ ।
पूर्व माओवादी केन्द्रकाे कार्यालय पेरिसडाँडामा सोमबार दिउँसो १ बजे बोलाइएको बैठक मंगलबार दिउँसाे १२ बजे बालुवाटारमा बस्ने छ ।
आजको बैठकमा मन्त्रिमण्डल पुनर्गठनबारे छलफल हुने बताइएको थियाे । त्यस्तै संवैधानिक र राजनीतिक नियुक्तिबारे सरकारलाई निर्णय गर्न सहज बनाउन आधारहरू तय गर्ने बैठकको एजेन्डा थियाे ।
प्रकाशित मिति: सोमबार, असोज ५, २०७७
