पूर्वअर्थमन्त्री खतिवडा मन्त्रीसरहकाे सुविधासहित प्रधानमन्त्रीकाे आर्थिक सल्लाहकार नियुक्त

राजनीति

आजको न्युज मंगलबार, भदौ ३०, २०७७, १८:५९:००

काठमाडाैं । सरकारले पूर्वअर्थमन्त्री डा. युवराज खतिवडा प्रधानमन्त्री केपी शर्मा ओलीकाे प्रमुख आर्थिक सल्लाहकारमा नियुक्त भएका छन् ।

सोमबार बसेको मन्त्रिपरिषद् बैठकले खतिवडालाई मन्त्रीकै अनुसार सेवा सुविधा पाउने गरी सल्लाहकार नियुक्त गरेको सरकार प्रवक्तासमेत रहेका परराष्ट्रमन्त्री प्रदीप ज्ञवालीले जानकारी दिए ।

कार्यकाल नथपिएपछि खतिवडाले यही भदौ २० गते अर्थमन्त्रीबाट राजीनामा दिएका थिए । राष्ट्रियसभा सदस्य हुँदा २ वर्ष अर्थमन्त्री बनेका खतिवडा सांसदकाे पदावधि सकिएपछि पनि ६ महिनाका लागि अर्थमन्त्री भएका थिए ।

राष्ट्रियसभामा पुनः सिफारिस गर्ने चर्चा चले पनि सरकारले नेकपा उपाध्यक्ष वामदेव गौतमलाई मनोनित गर्ने निर्णय गरेपछि खतिवडाकाे सांसद हुने बाटाे सकिएकाे थियाे ।

प्रकाशित मिति: मंगलबार, भदौ ३०, २०७७, १८:५९:००

प्रतिक्रिया दिनुहोस्