काठमाडाैं । नेपाली कांग्रेसले म्याद सकिएका भ्रातृ संगठनकाे ६ महिना म्याद थपेको छ ।
कांग्रेसले नेविसंघ, तरूण दललगायत ९ वटा भ्रातृ संगठनको म्याद थप गरेको पार्टी मुख्य सचिव कृष्णप्रसाद पौडेलले जानकारी दिए।
आगामी केन्द्रीय कार्यसमिति बैठकबाट अनुमोदन गर्ने गरी पदावधि थप गरिएको विज्ञप्तिमा जनाइएको छ।
कांग्रेसका मुख्य सचिव कृष्णप्रसाद पौडेलले जारी गरेको विज्ञप्तिमा भनिएको छ, 'नेपाल तरुण दल, नेपाल विद्यार्थी संघ, नेपाल प्रजातन्त्र सेनानी संघ, नेपाल किसान संघ, नेपाल दलित संघ, नेपाल आदिवासी जनजाती संघ, राष्ट्रिय लोकतान्त्रिक अपांग संघ, नेपाल तामाङ् संघ र नेपाल ठाकुर समाजको पदावधि समाप्त भएकोले आगामी केन्द्रीय कार्यसमितिको बैठकबाट अनुमोदन हुने गरी म्याद समाप्त भएको मितिबाट ६ महिनाका लागि निर्देशानुसार म्याद थपिएको छ ।'
प्रकाशित मिति: शुक्रबार, साउन १६, २०७७ १९:३६
