काठमाडाैं । सरकारले नेपाल प्रहरीकाे महानिरीक्षकमा शैलेश थापा क्षेत्रीलाई नियुक्त गरेकाे छ ।
मंगलबार साँझ प्रधानमन्त्री निवास बालुवाटारमा बसेकाे मन्त्रिपरिषद् बैठकले नेपाल प्रहरीकाे २८औँ आइजीमा थापालाई नियुक्त गर्ने निर्णय गरेकाे हाे ।
यसअघि गृहमन्त्रालयले थापालाई आइजी नियुक्त गर्न मन्त्रिपरिषद्लाई सिफारिस गरेकाे थियाे ।
उनले बिहीबारदेखि कार्यभार सम्हाल्ने छन् भने उनकाे कार्यकाल २०७९ वैशाख १८ सम्म रहने छन् ।
२०४९ सालमा प्रहरी निरीक्षकबाट सेवा प्रवेश गरेका थापा प्रहरीमा व्यावसायिक अधिकृतका रुपमा चिनिन्छन् । उनले धेरैजसो समय महानिरीक्षकको सचिवालय र प्रहरी प्रशिक्षण प्रतिष्ठानमा बिताएका छन् ।
थापाले प्रहरीको केन्द्रीय प्रवक्ता, महानगरीय प्रहरी प्रमुखको रुपमा यसअघि काम गरेका थिए । हाल उनी मानव स्रोत साधन तथा प्रशासन विभागको प्रमुख छन् ।
क्षत्रीले सशस्त्र द्वन्द्वका बेला जिल्ला प्रहरी सल्यानको प्रमुख भएर काम गरेका थिए । त्यसपछि क्रमशः सिन्धुपाल्चोक, कास्की, धादिङ प्रमुख भए । थापा यसअघl प्रधानमन्त्री ओलीको गृह जिल्ला झापामा एसपी भएर काम गरेका थिए ।
वर्तमान आइजिपी ठाकुर प्रसाद ज्ञवालीले ३० वर्षे सेवा अवधिका कारण बुधबारपछि अवकाश पाउँदै छन् । उनले २०७६ माघ २९ गते आइजिपीको जिम्मेवारी सम्हालेका थिए ।
प्रकाशित मिति: मंगलबार, असार २३, २०७७ १२:३५
