काठमाडौं । सरकारले भारत र चीनतर्फका सबै सीमा नाका १ साताका लागि बन्द गर्ने निर्णय गरेको छ ।
आइतबार साँझ बसेको मन्त्रिपरिषद् बैठकले छिमेकी देश चीन र भारतको सीमा नाकाबाट आउजाउ बन्द गर्ने निर्णय गरेको हो।
सोमबार बिहान १० बजेदेखि १ हप्तासम्म भारत र चीनसँगको सीमा नाकामा आवागमन पूर्णरुपमा बन्द गर्ने निर्णय भएकाे हाे ।
यसैगरी सरकारले कोरोना संक्रमणको महामारीविरुद्ध लड्न र संक्रमण भएको खण्डमा उपचार तथा अन्य उपकरण तथा औषधीजन्य सामाग्री सहज गर्न केन्द्रीय राहत कोष खडा गरेको छ ।
सो कोषमा प्रधानमन्त्री र मन्त्रीहरुले १ महिनाको तलब जम्मा गर्ने निर्णयसमेत भएको छ ।
यसैगरी सरकारले सशस्त्र प्रहरी अस्पताललाई कोरोना उपचारको विशेष अस्पताल बनाउने निर्णय गरेकाे छ ।
प्रकाशित मिति: आइतबार, चैत ९, २०७६ १४:३२