पाेखरा । कास्की क्षेत्र नम्बर २ मा सत्तारुढ नेकपाकी उम्मेदवार विद्या भट्टराईले अग्रता लिएकी छिन् । वडा नम्बर–३३ को मतगणना सकिँदासम्म नेकपा ११ सय ६१ मतले अघि देखिएको हाे ।
पछिल्लो मतपरिणामअनुसार भट्टराईले ३२७६ मत प्राप्त गरेकी छिन् भने नेपाली कांग्रेसका खेमराज पौडेलले २११५ मत प्राप्त गरेका छन् ।
समाजवादी पार्टीका धर्मराज गुरुङले ९५ मत प्राप्त गरेका छन् भने राप्रपाका रोमबहादुर भण्डारीले ४७ र साझा पार्टीकी रजनी केसीले ३२ मत प्राप्त गरेका छन् ।
कास्की २ को शनिबार भएको उपनिर्वाचनमा ४५ हजार ५ सय ६३ मत खसेको थियो ।
कास्की २ को उपनिर्वाचनमा सत्तारुढ दल नेकपाबाट भट्टराई र नेपाली कांग्रेसबाट पौडेलसहित १९ जनाले प्रतिस्पर्धा गरेका थिए ।
प्रकाशित मिति: आइतबार, मंसिर १५, २०७६ ०१:३९