काठमाडाैं । प्रधानमन्त्री केपी शर्मा ओलीले सोमबार ललितपरको सैँबु आवास क्षेत्र भैँसीपाटीमा प्रदेश प्रमुख तथा मुख्यमन्त्रीहरुको सम्पर्क कार्यालय र निवासको शिलान्यास गरेका छन् ।
सातै प्रदेशका प्रमुख र मुख्यमन्त्रीहरूकाे सम्पर्क कार्यालय तथा निवासकाे प्रधानमन्त्री ओलीले शिलान्याश गरेका हुन् । शिलान्यास समाराेहमा बाेल्दै प्रधानमन्त्री ओलीले सरकारले राम्रो काम गरिरहेकाे भए पनि निराशा र असन्तुष्टि फैलाउन खोजिएको बताए ।
नेपालमा वाक स्वतन्त्रता भएकै कारणले जथाभावी बोल्ने गरेकाे ओलीले जनाए । ‘नेपालमा वाक स्वतन्त्रताको हक छ, त्यसको प्रयोग गर्न पाइन्छ’, उनले भने, ‘स्वस्थ ढंगले आलोचना गर्नु एउटा कुरा हो । नन इस्युलाई इस्यु बनाएर जसरी पनि विरोध गर्ने सिलसिला चलेको छ ।’
त्यसैगरी मेलम्ची खानेपानी आयोजनाको काम केही महिनाभित्रै सम्पन्न हुने पनि प्रधानमन्त्रीले दाबी गरेका छन् । ‘मेलम्चीको खानेपानी छिट्टै आउँछ, केही महिनाभित्र,’ ओलीले भने, ‘अब एक वर्ष पनि लाग्दैन ।’
‘चिरप्रतीक्षित आयोजना, हामीले सुन्ने मात्र गरेको, हो कि होइन भन्ने अवस्थाको मेलम्ची खानेपानी छिट्टै ल्याउँछौं,’ उनले भने, ‘यतिबेलासम्म ल्याइसक्ने अवस्था हुन्थ्यो, तर निर्माण कम्पनी भागेकाले ढिला भयो । हामीले नयाँ ढंगले काम अघि बढाइसकेका छौं ।’
सडकमा भिख मागेकाे देखे सरकारलाई खबर गर्नुस्
प्रधानमन्त्री ओलीले नेपाललाई ‘भिख मंगा’ र सडक मानव मुक्त देश बनाउने घोषण पनि गरे ।
‘हामी हाम्रो देशलाई ‘भिख मंग्गा’मुक्त देश बनाउँछौं, सडक मानवमुक्त देश बनाउँछौं छिट्टै,’ प्रधानमन्त्री ओलीले भने, ‘सडकमा यदि कोही बेसहारा र अलपत्र स्थितिमा देखिन्छ भने सरकारलाई त्यस्तो कुराको जानकारी दिनुस्, सरकारले व्यवस्थापन गर्छ ।’
सरकारले कुनै पनि नागरिकलाई बेसहारा र बेवारिसे अवस्थामा बस्न नदिने उनको जिकिर छ ।
हेराैं शिलान्याश समाराेहका केही तस्बिरः (तस्बिर-रासस)
.JPG)
.JPG)
.JPG)
.JPG)
.JPG)
.JPG)
प्रकाशित मिति: सोमबार, असोज १३, २०७६ ०८:२८
