नाइजेरिया: गैरआवासीय नेपाली संघ नाइजेरियाले मिर्गौला रोगले पीडित टिकापुरका रमेश चौधरीलाई आर्थिक सहयोग गरेको छ ।
संघले कैलालीको टिकापुर नगरपालिका, सितापुरका दुवै मिर्गौला खराब भएका रमेश चौधरीलाई ६५ हजार ८ सय ६७ रुपैयाँ आर्थिक सहयोग गरेको हो ।
काठमाण्डौको शिक्षण अस्पतालमा उपचाररत विपन्न परिवारका चौधरीलाई संघले तिहारका अवसरमा नाईजेरियामा भैलो खेलेर आफ्नो कल्याणकारी कोषमा जम्मा भएको उक्त रकम टिकापुर सरोकार समुहमार्फत् विरामीको खातामा हस्तान्तरण गरिएको बताइएको छ ।
सामान्य दैनिक मजदूरी गरि खाने रमेश चौधरीको दुबै मिर्गौला काम नलाग्ने भइ फेर्नु पर्ने भएको छ । मिर्गौलाका लागि परिवारका सदस्यबाट खोजी जारी भए पनि प्रत्यारोपणका लागि करिब १० लाख खर्च लाग्ने बताइएको छ ।
प्रकाशित मिति: आइतबार, मंसिर ८, २०७६ ०८:००
