बेइजिङ ः सन् २०१८ मा चीनको विश्वव्यापी नेतृत्व अमेरिकाको तुलनामा उच्च रहेको एक अध्ययन प्रतिवेदनले देखाएको छ ।
अमेरिकी जनमत सर्भेक्षण सञ्चालक, द ग्यालप अर्गनाइजेसनले बिहीबार जारी गरेको प्रतिवेदनमा चीनको औसत अनुमोदन मूल्यांकन ( मिडियन एप्रोभल रेटिङ) ३४ प्रतिशत पुगेको र यो तथ्यांक पछिल्लो दशकमा सबैभन्दा उच्च बिन्दुमा पुगेको रिपोर्टमा उल्लेख छ।
’ग्यालप्स रेटिङ वर्ल्ड लिडर्स २०१९’ नाम दिइएको उक्त अध्ययनले अमेरिका, चीन, जर्मनी, रुसलगायत १३० वटा मुलुकमा सर्भेक्षणमा समावेश गरेको थियो ।
चिनियाँ नेतृत्व क्षमताको औसत अनुमोदन मूल्यांकनमा ३४ प्रतिशत, रुसको ३० प्रतिशत जर्मनीको सबैभन्दा अगाडि ३९ प्रतिशत र अमेरिकाको स्थान झर्दै ३१ प्रतिशत रहेको देखिएको छ ।
सन् २०१७ मा अमेरिका र चीन झण्डैझण्डै बराबरी स्थानमा थिए भने पछिल्लो तथ्यांकमा चीनले अमेरिकालाई उछिनेको छ ।
चीनले छिमेकी देश पाकिस्तानबाट सबैभन्दा धेरै ७३ प्रतिशत स्वीकृति पाएको छ भने अफ्रिकी देशहरूबाट ५३ प्रतिशत पाएको छ ।
प्रकाशित मिति: आइतबार, चैत ३, २०७५
-1732776560.jpg)
