कङ्ग्रा ः भारतीय राष्ट्रिय कांग्रेसका अध्यक्ष राहुल गान्धीले पुलवामामा भएको आतंकवादी आक्रमणलाई प्रधानमन्त्री नरेन्द्र मोदीले राजनीतीकरण गरेको आरोप लगाएका छन् ।
नजिकिँदो आम निर्वाचनलाई लक्षित गरेर आयोजित चुनावी सभालाई सम्बोधन गर्ने क्रममा गान्धीले मोदीले उक्त घटनालाई राजनीतीकरण गरेर लोकप्रियता देखाउने वहाना गरेको आरोप लगाएका छन् । उनले भने, ‘हामीले त्यसलाई कुनै राजनीतीकरण गरेका छैनौं, घटनालगत्तै हामीले पत्रकार सम्मेलन नै गरेर यस विषयमा सुरक्षा निकाय र सरकारलाई सहयोग गर्ने बताएका थियौं तर दुर्भाग्य सरकारले भने त्यस विषयलाई राजनीतीकरण गर्यो ।’
उनले प्रतिपक्षी दल कांग्रेस र अन्य दलले सरकारप्रति देखाएको एक्वबद्धतालाई सरकारले दुरुपयोग गरेको समेत टिप्पणी गरे ।
उनले देशका लागि जीवन अर्पण गरेका आफ्नो पार्टीका नेता देशका लागि शहीद बन्न समेत तयार रहेको बताए । -रासस
प्रकाशित मिति: शुक्रबार, फागुन २४, २०७५
-1732776560.jpg)
