अफगानिस्तानको पूर्वी प्रान्त नान्गाहारको प्रान्तीय राजधानी जलालाबाद शहरमा एक निर्माणाधीन कम्पनीलाई लक्ष्य गरी बुधबार बिहान सबेरै भएको एक आत्मघाती आक्रमणमा परी कम्तीमा १६ जनाको मृत्यु भएको छ ।
यस युद्धग्रस्त देशमा यो पछिल्लो रक्तपातपूर्ण घटना भएको एक सरकारी अधिकारीले जानकारी दिएका छन् । प्रान्तीय प्रवक्ता अत्ताउल्लाह खोग्यानीले यस आक्रमणमा परी १६ जनाको मृत्यु हुनुको साथै अन्य ९ जना घाइते भएका पुष्टि गरेका छन् ।
यसअघि नै प्राप्त समाचारमा जलालाबाद विमानस्थलको अगाडिको एक निजी कम्पनीलाई लक्ष्य गरेर आतङ्ककारीहरूले आक्रमण सुरु गरेका र विस्फोटपछि ठूलै मानवीय तथा सम्पत्ति क्षतिको आशङ्का गरिएको थियो ।
प्रकाशित मिति: बुधबार, फागुन २२, २०७५
-1732776560.jpg)
