वासिङ्टन ः भेनेजुयलामा मानवीय सहायताका लागि पठाइएको सामान रोकेको आरोपमा संयुक्त राज्य अमेरिकाले शुक्रबार ६ भेनेजुयली सुरक्षाकर्मीविरूद्ध प्रतिबन्ध लगाएको छ ।
विपक्षी नेता हुँवा गुएइदोले भेनेजुयलाको संकटका कारण खाद्यान्न, औषधिलगायत आधारभूत सामग्रीको अभाव भएको भन्दै अन्तर्राष्ट्रिय समुदायसँग सहयोगका लागि गरेको अनुरोधमा वासिङ्टनले सहायता सामग्री पठाएको थियो ।
तर सामान भेनेजुयलाको सीमा क्षेत्रमा सुरक्षाकर्मीको सहयोगमा रोकिएको छ ।
प्रतिबन्ध लगाइएका सुरक्षाकर्मीहरूमा भेनेजुयली नेसनल गार्डका मेजर जनरल जेसस लोपेज भार्गस, जेसस मारिया मन्टिला ओलिभर्सलगायत रहेका अमेरिकी ट्रिजरी डिपार्टमेन्टले जनाएको छ । यो निर्णयसँगै उनीहरू अमेरिकासँग आर्थिक कारोबार तथा आवागमन गर्न प्रतिबन्धित हुनेछन् ।
प्रकाशित मिति: शनिबार, फागुन १८, २०७५
-1732776560.jpg)
