जोहानेसवर्ग ः दक्षिण अफ्रिकाको दर्बानस्थित उच्च अदालत रहेको भवनमा गोली चल्दा कम्तीमा ३ जनाको मृत्यु भएको र अन्य ६ जना घाइते भएका प्रहरी तथा स्वास्थ्य अधिकारीहरूले सोमबार
जनाएका छन् ।
प्रहरी प्रवक्ता थेम्वेका एमबेलेले घटनाको पुष्टि गर्दै एएफपीसँग भने, एक बन्दुकधारीले चलाएको गोली लागी ३ जनाको मृत्यु भएको छ । मृतकमध्ये १ जना नगर प्रहरी रहेका छन् ।
मृतक अन्य २ जना महिला रहेका छन् भने उनीहरूको सनाखत हुन सकेको छैन । आकस्मिक उद्धार शाखाकी निर्देशक गारिथ यामिन्सनले भनिन्, घाइते ६ जनामध्ये ५ जनालाई गम्भीर चोट लागेकाले अस्पतालमा उपचारका लागि पठाइएको छ ।
उद्धारका लागि आफ्नो टोली तत्काल घटनास्थलमा पुगेको तर घटनास्थलमा रगतको आहाल देखिएको उनले बताइन् । गोली भवनको पहिलो तल्लामा चलेको र उक्त स्थान सहरको उच्च अदालतनजिकै रहेको सुरक्षाकर्मीले बताएका छन् ।
स्मरण रहोस्, सोही सहरमा बिदामा रहेका १ प्रहरीले गोली चलाउँदा सम्बन्धविच्छेद मामिला हेर्ने अदालतमा गोली चलाई सम्बन्ध विच्छेद गरेकी आफ्नी पूर्वश्रीमती र उनका भाइलाई हत्या गरेका थिए ।
प्रकाशित मिति: मंगलबार, फागुन १४, २०७५
-1732776560.jpg)
