काठमाडौं । नेकपा एमालेका सचिव एंव पूर्व उपप्रधानमन्त्री रघुबीर महासेठले नेकपा एमालेको आन्तरिक जिवनमा द्वन्द सिर्जना गर्ने गरि नेताहरु बिच कित्ताकाट गरि प्रकाशित गरिएका समाचारहरुमा कुनै सत्यता नरहेको बताउनु भएको छ । पूर्व राष्ट्रपति बिद्यदेवी भण्डारीले एमालेको राजनीतिमा पूनः सक्रिय हुने मनसाय व्यक्त गरेयता एमालेको भावी नेतृत्वको बिषयलाई लिएर विभिन्न अडकलबाजी सुरु भएका छन् । आमसञ्चारका माध्यमहरुले गरेका अनुमान र अडकलबाजीमा कुनै सत्यता नरहेको बतउदै त्यस्तो मिथ्या सूचनाका पछि नलाग्न सम्पूर्ण एमाले पंक्तीलाई महासेठले आग्रह गर्नुभएको छ । सिंगो एमाले पंक्ती र सुभचिन्तकहरुमा भ्रम सिर्जना गर्ने गरि प्रकाशित यस्ता समाचारहरुमा आफुलाई समेत यता उता भनि लेखिएको बिषयमा ध्यानाकर्षण भएको जनाउदै त्यो सबै आधारहिन बिषय भएको महासेठले स्पस्ट गर्नुभयो ।
एमाले भित्र कित्ताकाट भन्ने शिर्षकमा केही अनलाईन न्युजपोर्टलमा प्रकाशित र सामाजिक सञ्जालमा प्रचारित बिषय प्रति आफ्नो आपत्ती रहेको जनाउदै एमाले पंक्तिमा आजको दिनमा कुनै कित्ताकाट नरहेको सचिव महासेठको भनाई रहेको छ । महासेठद्धारा जारी गरिएको प्रेस नोटमा भनिएको छ : सरकारको समेत नेतृत्व गरिरहेको दल नेकपा एमालेका नेताहरु बिच मतभेद ल्याउने उदेश्य सहित गरिएका कित्ताकाट प्रति मेरो सम्पूर्ण रुपमा असहमति रहेको छ । मनगढन्ते गुट निर्माण गरि नेताहरुलाई यता उता भनि कित्ताकाट गरिएको भ्रमपूर्ण प्रचारमा कुनै सत्यता नरहेको महासेठद्धारा जारी प्रेस नोटमा उल्लेख गरिएको छ ।
नेकपा एमालेको भविष्यबारे यसका बैधानिक फोरमहरुमा निर्णय हुने भएकाले कपोकल्पित रुपमा खडा गरिएका प्रचारबाजीका पछि नलाग्न महासेठले आग्रह गर्नुभएको छ । एमालेका लागि आजको समय देश र जनताको भविष्य कसरी सुनौलो बनाउने भन्ने भएकाले कित्तकाट गरि आन्तरिक बहस र विवादमा फस्ने समय नरहेको एमालेको सबै पंक्तिलाई महासेठले अनुरोध गर्नुभएको छ । आफु संसद र पार्टीका काममा व्यस्त रहेको जनाउदै महासेठले भन्नुभयो : न एमालेमा त्यस्तो कुनै कित्ताकाटको अवस्था छ न मिडियाले अनुमान गरि प्रचार गरेजस्तो म कुनै गुटमा छु । यो सबै एमालेलाई मुल एजेण्डा बाट अन्तै मोडने प्रपञ्चबाट गरिएको भ्रमपूर्ण हल्ला मात्रै हो ।
प्रकाशित मिति: बिहीबार, असार १९, २०८२
