काठमाडौँ । प्रधानमन्त्रीले गृह मन्त्री रवि लामिछानेको सहकारी ठगी प्रकरणमा संलग्नताबारेमा न्यायाधीश जस्तो जवाफ दिएको भन्दै प्रमुख प्रतिपक्षी दल नेपाली कांग्रेसले विरोध गरेको छ ।
आइतबार बसेको प्रतिनिधि सभाको बैठकमा नेपाली कांग्रेसका सांसद सञ्जय कुमार गौतमले, गृह लामिछानेको प्रकरणको विषयमा प्रधानमन्त्री न्यायाधीश बन्न खोजेको। र सुरक्षा निकायका प्रमुखले समेत सो विषयलाई फासफुस ढङ्गले कन्ली चिट दिने प्रयास गरेको बताए ।
उनले भने,‘प्रधानमन्त्रीले हामीले जवाफ खोज्यौँ न्यायाधीश जस्तो एकदमै हुकुम दिने राजा महाराजा जस्तो कन्ली चिट दिने प्रयास गर्नुभयो । सुरक्षा निकायका प्रमुख उहाँले सम्म यो विषयलाई फासफुस ढङ्गले कन्ली चिट दिने प्रयास गर्नुभयो । यसले गर्दा हामीले उठाएको मुद्दाहरूमा गम्भीर प्रशन जन्मिएको छ ।’
उनले गृह मन्त्रीले गोर्खा मिडिया नेटवर्कको नाममा ९० हजार बढि बचत कर्ताको ८० करोड भन्दा बढि रकम जम्मा गरेको भन्दै पीडितले न्याय कसरी पाउने भन्ने गम्भीर प्रश्न खडा भएको बताए । कानुनी मात्र नभई नौतिकताको आधारमा पनि गृहमन्त्रीले राजीनामा दिनुपर्ने उनको भनाई छ ।
उनले भने,‘गोर्खा मिडिया नेटवर्कको नाममा ९० हजार बढि बचत कर्ताको ८० करोड भन्दा बढि रकम बुटवलका चितवनका पोखराका सहकारीमा जम्मा भएका दर्जनौ। सहकारीको रकम गोर्खा मिडियामा जम्मा भएको छ । आज त्यो मिडिया सञ्चालनमा पनि छैन । अब त्यो विषयमा कस्ले जवाफ दिने हो रु पीडितले न्याय कसरी पाउने भन्ने गम्भीर प्रश्न छ । यो कानुनी मात्र होइन नौतिक कुरा पनि हो ।’
प्रकाशित मिति: आइतबार, चैत १८, २०८० १२:२८
