काठमाडौं । भुटानमा जारी सेन्ट्रल एसिया भलिबल संघ (काभा) बिच भलिबल टुरको महिलातर्फ नेपालकी भावना डाँगी र सुनिता राईको जोडी फाइनलमा प्रवेश गरेको छ ।
आइतबार भएको सेमिफाइनलमा भावना र सुनिताको जोडीले भारतका रेवती र श्वेताको जोडीलाई २१–१५, २४–२२ को सोझो सेटमा पराजित गर्दै फाइनलमा स्थान बनाएको हो ।
अब उपाधिका लागि नेपाली जोडीले भारतकै पवित्रा र दीपिकाको जोडीसँग प्रतिस्पर्धा गर्नेछ ।
पवित्रा र दीपिकाको जोडीले अर्को सेमिफाइनलमा नेपालका कमला पुन र कोपिला रानाको जोडीलाई २१–१६, २१–२४ ले पराजित गर्दै फाइनलमा पुगेको हो ।
यससँगै कांस्य पदकका लागि कमला पुन र कोपिला रानाको जोडीले रेवती र श्वेताको जोडीसँग प्रतिस्पर्धा गर्नेछ ।
प्रकाशित मिति: आइतबार, भदौ २१, २०८३
