सुर्खेत । नेपाल प्रिमियर लिग (एनपीएल)को फ्रेन्चाइज टोली कर्णाली याक्सले ट्यालेन्ट हन्टमार्फत तीन खेलाडी छनोट गरेको छ ।
शनिबार सुर्खेत र आइतबार सल्यानमा आयोजित ट्यालेन्ट हन्टबाट दैलेखका हिक्मतबहादुर शाही, रुकुम पश्चिमका भुवन भण्डारी र सुर्खेतका कैलाश खड्का छनोट भएका हुन् ।
छनोट भएका तीनै खेलाडी एनपीएलको पूर्वतयारीका लागि कर्णाली याक्सको बन्द प्रशिक्षणमा सहभागी हुनेछन् । बन्द प्रशिक्षणमा उनीहरूको प्रदर्शन र क्षमताका आधारमा अन्तिम एक खेलाडीलाई एनपीएल टोलीमा समावेश गरिने कर्णाली याक्सका प्रमुख गिहेन्द्र घिमिरेले जानकारी दिए ।
घिमिरेका अनुसार कर्णाली प्रदेशका विभिन्न जिल्लामा रहेका प्रतिभाशाली खेलाडी पहिचान गरी एनपीएलमा अवसर दिने उद्देश्यले ट्यालेन्ट हन्ट आयोजना गरिएको हो ।
प्रकाशित मिति: सोमबार, असोज १९, २०८३
-1791180906-1791183631.jpeg)
