काठमाडौं । जर्मनीका डिफेन्डर एन्टोनियो रुडिगरले अन्तर्राष्ट्रिय फुटबलबाट सन्न्यासको घोषणा गरेका छन्। उनले मंगलबार १२ वर्ष लामो राष्ट्रिय टोलीको करियर टुंग्याएका हुन्।
सामाजिक सञ्जालमार्फत सन्न्यासको घोषणा गर्दै रुडिगरले नयाँ पुस्ताका खेलाडीका लागि बाटो खुला गर्न आफूले यो निर्णय गरेको बताएका छन्। पछिल्लो समय जर्मनीले ठूला प्रतियोगितामा अपेक्षाअनुसार प्रदर्शन गर्न नसके पनि राष्ट्रिय टोलीसँग बिताएको समय आफ्नो लागि महत्वपूर्ण र विशेष रहेको उनले उल्लेख गरेका छन्।
३३ वर्षीय रुडिगरले सन् २०१४ मा जर्मनीको राष्ट्रिय टोलीबाट डेब्यु गरेका थिए। उनले जर्मनीका लागि ६ क्याप जितेका छन्। उनले सन् २०१८, २०२२ र २०२६ का तीन विश्वकप खेले।
हाल स्पेनिस क्लब रियल मड्रिडबाट खेलिरहेका रुडिगरले यसअघि इंग्लिस क्लब चेल्सीबाट २०२१ मा च्याम्पियन्स लिग जितेका थिए। उनले रियल मड्रिडबाट स्पेनिस ला लिगा उपाधिसमेत जितिसकेका छन्।
अन्तर्राष्ट्रिय फुटबलबाट सन्न्यासलाई करियरको नयाँ अध्यायको सुरुआत भन्दै रुडिगरले अब आफ्नो क्लब करियरमा पूर्ण रूपमा केन्द्रित हुने बताएका छन्।
प्रकाशित मिति: बुधबार, भदौ १७, २०८३
