काठमाडौं । एसीसी प्रिमियर कपको तयारीका लागि भइरहेको अभ्यास खेलमा मलेसियाले नेपाललाई २३३ रनको लक्ष्य दिएको छ ।
टस जितेर पहिले ब्याटिङ गरेको मलेसिया ४८.२ ओभरमा २३२ रनमा अलआउट भयो । मलेसियाका लागि मुहम्मद स्याहादात रामलीले सर्वाधिक ६१ रन बनाए ।
सैफुल्लाह मलिकले ४५, साइद अजिजले ४० तथा विरानदीप सिंहले ३९ रन बनाए ।
नेपालका लागि कप्तान सन्दीप लामिछानेले उत्कृष्ट बलिङ गर्दै १० ओभरमा ३६ रन दिएर ४ विकेट लिए । करण केसीले २ तथा ललित राजवंशी र दीपेन्द्रसिंह ऐरीले १–१ विकेट लिए ।
नेपालले मलेसिया जानुअघि भारतमा कर्नाटकसँग खेलेका दुई अभ्यास खेलमा जित हात पारेको थियो ।
प्रकाशित मिति: मंगलबार, भदौ ९, २०८३
