भोजपुर । जिल्ला सरकारी वकिल कार्यालय भोजपुरको भवन बिहीबार शिलान्यास गरिएको छ । भवनको उच्च सरकारी वकिल कार्यालय धनकुटाका सहन्यायाधिवक्त्ता मनोज कुमार आचार्यले एक कार्यक्रमका बीच शिलान्यास गरेका हुन् ।
भवन ३ करोड ३४ लाख ५२ हजार ६ सय २८ रुपैंया ६९ पैसा लागतमा निर्माण हुने जिल्ला सरकारी वकिल कार्यालयका प्रमुख प्रमोद भट्टराइले जानकारी दिए । भवन निमार्णका लागि अर्थ मन्त्रालयले ६ करोड १७ लाख ५९ हजार ५ सय ९५ रुपैंया ६७ पैसा छुट्याएको थियो ।
निमार्णको सम्झौता अनुसार ०७५ कात्तिक १९ मा भएको छ भने निमार्ण सम्पन्न ०७७ साल कात्तिक १८ गते २ वर्षमा सम्पन्न गरी सक्नु पर्ने गरी सम्झौता भएको छ । सहन्यायाधिवक्त्ता आचार्यले ठेकेदार निर्मला शेर्पालाई समयमै निमार्ण सम्पन्न गर्न आग्रह गर्दै भवनको गुणस्तरका लागि सबैले सहयोग गर्न आग्रह गरे ।
१ रोपनी क्षेत्रफलमा ४ मा बन्ने सो भवन निमार्णको जिम्मा कुन्सालीङ कन्ट्रक्सन प्रा.लि भोजपुरले लिएको छ । सरकारी वकिल कार्यालय निकै लामो समय देखि भाडामा वस्दै आएको छ ।
प्रकाशित मिति: बिहीबार, मंसिर २७, २०७५ १९:१६