काठमाडौं । कास्की-२ मा नेपाल कम्युनिस्ट पार्टीकी उम्मेदवार विद्या भट्टराई जितको नजिक पुगेकी छिन् ।
भट्टराई नेपाली कांग्रेसका उम्मेदवार खेमराज पौडेलभन्दा झण्डै ८ हजार मतले अगाडि छन् । पछिल्लो मतपरिणामअनुसार भट्टराईले १५ हजार ५ सय ८ मत ल्याउँदा पौडेलले ७ हजार ८ सय ७ मत मात्र ल्याएका छन् ।
अब गन्न बाँकी मतले पनि पौडेलले भट्टराईलाई उछिन्न नसक्ने भएकाले नेकपा उम्मेदवारको जित निश्चित भएको छ ।
कास्कीमा शनिबार सम्पन्न मतदानपछि राति नै मतगणना सुरु गरिएको थियो । पूर्वमन्त्री रवीन्द्र अधिकारीले चुनाव जितेको क्षेत्रमा उनकै पत्नी विद्या भट्टराईलाई नेकपाले उम्मेदवार बनाएको थियो ।
प्रकाशित मिति: आइतबार, मंसिर १५, २०७६ ०८:५५