काठमाडौं । बुधबार सेयर बजार सामान्य अंकले घट्दै अघिल्लो दिनकै आसपासको विन्दुमा रोकिएको छ। आज नेप्से परिसूचक ०.२६ अंक घटेर २६२२ विन्दुमा कायम भएको छ।
अघिल्लो दिन नेप्से १९.३४ अंकले घटेको थियो। आज कारोबार रकम भने अघिल्लो दिनको तुलनामा १ अर्ब ७८ करोड रुपैयाँले घटेको छ। मंगलबार ५ अर्ब ७ करोड रुपैयाँको कारोबार भएकोमा बुधबार ३ अर्ब २९ करोड रुपैयाँमा सीमित भएको छ।
आज ११० कम्पनीको सेयर मूल्य बढेको छ भने १५० कम्पनीको घटेको छ। १८ कम्पनीको मूल्य स्थिर रह्यो। सबै समूहगत सूचकमा १ प्रतिशतभन्दा कम उतारचढाव देखिएको छ।
बैंकिङ ०.०६, जलविद्युत् ०.०९, निर्जीवन बीमा ०.१४, अन्य ०.१२ तथा व्यापार समूह ०.७६ प्रतिशतले बढेका छन्।
यस्तै, विकास बैंक ०.०२, फाइनान्स ०.२२, होटल तथा पर्यटन ०.३८, लगानी ०.२८, जीवन बीमा ०.३१, उत्पादन तथा प्रशोधन ०.०४ तथा माइक्रोफाइनान्स समूह ०.३३ प्रतिशतले घटेका छन्।
समूहगत कारोबारमा जलविद्युत् समूह अगाडि रहेको छ। यस समूहका कम्पनीको १ अर्ब ८४ करोड रुपैयाँ बराबरको कारोबार भएको छ। वाणिज्य बैंकको ३७ करोड तथा उत्पादन तथा प्रशोधन समूहको ३५ करोड रुपैयाँ बराबरको कारोबार भएको छ।
हालै सूचीकृत सर्वोत्तम पेन्ट्स र माउन्ट एभरेस्ट पावरको सेयर मूल्य १५ प्रतिशतले बढेको छ। भगवती हाइड्रोपावरको ३ प्रतिशत तथा गुराँस लघुवित्तको २.४१ प्रतिशत मूल्य बढेको छ।
यता, मनकामना इन्जिनियरिङ हाइड्रोपावरको सेयर मूल्य ८.४५ प्रतिशत, रिजलाइन इनर्जीको ३.३८ प्रतिशत तथा ग्रिन डेभलपमेन्ट बैंकको ३.०७ प्रतिशतले घटेको छ।
कारोबार रकमका आधारमा साहस ऊर्जा, सोलु हाइड्रोपावर, रिलायन्स स्पिनिङ मिल्स, मनकामना इन्जिनियरिङ हाइड्रोपावर र खानीखोला हाइड्रोपावर अगाडि रहेका छन्।
प्रकाशित मिति: बुधबार, भदौ ३, २०८३
-1787131872.jpg)
