काठमाडौं । नेपालीहरूको महान् पर्व दसैँ नजिकिँदै गर्दा हिमाली जिल्लाबाट भेडा–च्याङ्ग्रा पोखरा भित्रिन थालेका छन् ।
यस वर्षको पहिलो लटमा डोल्पाबाट च्याङ्ग्रा लिएर व्यापारी मीनप्रसाद बोहरा पोखरा आइपुगेका छन् । विगत तीन वर्षदेखि भेडा–च्याङ्ग्राको व्यापार गर्दै आएका बोहराले यस वर्ष पहिलोपटक १ सय वटा भेडा–च्याङ्ग्रा पोखरा ल्याएका हुन् ।
उनका अनुसार पोखरा ल्याइएका च्याङ्ग्रामध्ये पहिलो दिनमै ३० वटा बिक्री भएका छन् ।
व्यापारीहरूका अनुसार यस वर्ष मुस्ताङ, बझाङ, हुम्ला, सुर्खेत, डोल्पालगायत हिमाली तथा पहाडी क्षेत्रबाट १० हजारभन्दा बढी भेडा–च्याङ्ग्रा पोखरा भित्रिने अनुमान गरिएको छ ।
डोल्पाबाट ल्याइएका च्याङ्ग्राको मूल्य प्रतिगोटा २१ हजारदेखि ४० हजार रुपैयाँसम्म रहेको व्यापारी बोहराले बताए । उनका अनुसार भेडाको मूल्य भने च्याङ्ग्राको तुलनामा केही कम छ ।
प्रकाशित मिति: सोमबार, असोज १९, २०८३
-1791180906-1791183631.jpeg)
