काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले प्रधानमन्त्री र आफूबीच कामको बाँडफाँट भएको बताएका छन् ।
बुधबार सर्वदलीय बैठकपछि सञ्चारकर्मीसँग कुरा गर्दै लामिछानेले हिजो र आजको कार्यशैलीमा फरक रहेको बताए ।
“हिजो त पार्टीको नेतृत्व, अध्यक्ष, सभापति प्रधानमन्त्री हुँदा एउटाले गर्ने हो । अहिले त पार्टीको जिम्मेवारी पार्टीले हेर्ने, सरकारको जिम्मेवारी प्रधानमन्त्रीले हेर्ने स्पष्ट खाका, स्पष्ट मार्ग हुँदाहुँदै त्यसको डुप्लिकेसनको आवश्यकता पर्दैन,” उनले भने ।
लामिछानेले प्रधानमन्त्री निरन्तर बैठकमा रहेको बताए । प्रभावित क्षेत्रका जनप्रतिनिधिसँग प्रधानमन्त्रीले भेट गरिरहनुलाई उनले संवेदनशीलताको उदाहरण भएको बताए ।
“प्रभावित क्षेत्रका जनप्रतिनिधिसँग भेटिरहनुभएको छ भने यो त संवेदनशीलताको ठूलो उदाहरण हो,” उनले भने, “हामी त काम बाँडफाँट गरेर गर्छौं नि ।”
उनले प्रधानमन्त्री र आफूबीचको कार्यशैलीबारे बारम्बार प्रश्न नगर्न सञ्चारकर्मीलाई आग्रह गरे ।
प्रकाशित मिति: बुधबार, भदौ ३१, २०८३
-1787133994.jpg)
_nJCneh38vu-1789366512.webp)