काठमाडौं । समृद्धि फाइनान्स र साविकको पोखरा फाइनान्स मर्ज भएर पोखरा फाइनान्स लिमिटेड बनेको छ ।
मर्जरपछि बुधबार नेपाल स्टक एक्स्चेन्ज (नेप्से)मा पोखरा फाइनान्स लिमिटेडको १ करोड ९० लाख १४ हजार ६८० कित्ता सेयर सूचीकृत भएको छ । मर्जरअघि कम्पनीको सेयर ‘एसएफएल’ संकेतमा कारोबार हुँदै आएको थियो भने मर्जरपछि ‘पीएफएल’ संकेतमा सूचीकृत भएको हो ।
दुवै फाइनान्स कम्पनी १ः१ को सेयर स्वाप अनुपातमा मर्जरमा गएका थिए । मर्जरपछि दुवै कम्पनीको सेयर एकीकृत गरी पोखरा फाइनान्सको नाममा नेप्सेमा सूचीकृत गरिएको हो ।
नेप्सेले धितोपत्र सूचीकरण विनियमावली, २०७५ बमोजिम बुधबारदेखि नै कम्पनीको सेयर कारोबार फुकुवा गरेको जनाएको छ ।
प्रकाशित मिति: बुधबार, भदौ ३१, २०८३
