२० माघ, काठमाडौँ । कोपा डेल रे फुटबलको सेमिफाइनलको पहिलो लेगमा बार्सिलोनाले विजयी सुरुवात गरेको छ । बुधबार राति भएको खेलमा बार्सिलोनाले एथ्लेटिको मड्रिडलाई उसकै मैदानमा २–१ ले हराएको हो । बार्सिलोनाको जितमा लुइस स्वारेज र लियोनल मेस्सीले पहिलो हाफमा गरेको गोल निर्णायक बन्यो । स्वारेजले सातौं मिनेटमा गोल गर्दै बार्सिलोनालाई सुरुवाति अग्रता दिलाएका हुन् ।
३३ औं मिनेटमा मेस्सीले अग्रता दोब्बर पारे । पहिलो हाफमा २–१ ले पछि परेको एथ्लेटिको मड्रिडका लागि ५९ औं मिनेटमा एन्टोनी ग्रिजम्यानले एक गोल फर्काए । तर त्यो गोल हारबाट जोगिन पर्याप्त भएन । एन्टोनीको गोलले दोस्रो लेगमा राम्रो गरे फाइनलमा पुग्ने सम्भावना भने एथ्लेटिको मड्रिडलाई दिलाएको छ । दोस्रो लेग आउँदो मंगलबार बार्सिलोनाको मैदान नाउ क्याम्पमा हुनेछ । विजेताले एलाभेस र सेल्टा डि भिगोबिचको खेलको विजेतासँग खेल्नु पर्नेछ ।
प्रकाशित मिति: बुधबार, माघ १९, २०७३
