काठमाडौं । टिकटकलगायत सामाजिक सञ्जालमा युवतीका कामुक भिडिओ तथा हाउभाउ समेटिएका दृश्य राखेर प्रचार गर्ने एकजनालाई प्रहरीले पक्राउ गरेको छ ।
विभिन्न युवतीका भिडिओ तथा कामुक हाउभाउ समेटिएका दृश्य अपलोड गर्दै त्यस्तो सामग्रीको प्रचारमा सक्रिय रहेको आरोपमा पाँचथर फिदिम–३ घर भई काठमाडौं महानगरपालिका–२६, नयाँ बसपार्क बस्ने २४ वर्षीय सरोज लामालाई प्रहरीले पक्राउ गरेको हो ।
प्रहरीले खोजी गरिरहेको सूचना पाएपछि उनी हुलिया परिवर्तन गरी भागिरहेको अवस्थामा पक्राउ परेको जनाइएको छ ।
लामाविरुद्ध अभद्र व्यवहार मुद्दामा अनुसन्धान गर्न जिल्ला प्रहरी परिसर भद्रकालीबाट पाँच दिनको म्याद थप गरिएको प्रहरीले जनाएको छ ।
प्रकाशित मिति: सोमबार, भदौ २९, २०८३
