काठमाडौं । नेपाल भलिबल लिगले भोटेकोशी बाढीपीडितका लागि ५ लाख ९० हजार १५० रुपैयाँ सहयोग गरेको छ ।
राष्ट्रिय खेलकुद परिषद् (राखेप)को कभर्ड हलमा भदौ १९ गतेदेखि सुरु भएको नेपाल भलिबल लिगको पहिलो दिन बिक्री भएको टिकटबाट संकलित रकम बाढीपीडितको सहयोगार्थ प्रदान गरिएको हो ।
प्रतियोगिताको आयोजक केडिया ग्रुपले पहिलो दिनको टिकट बिक्रीबाट प्राप्त सम्पूर्ण रकम प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको थियो ।
सोही निर्णयअनुसार मंगलबार ५ लाख ९० हजार १५० रुपैयाँ प्रधानमन्त्री दैवी प्रकोप उद्धार कोषमा जम्मा गरिएको हो ।
केडिया ग्रुपका अध्यक्ष विमल केडियाले शुक्रबार अर्थमन्त्री डा. स्वर्णीम वाग्लेलाई उक्त रकम हस्तान्तरण गरेका हुन् ।
आयोजकले विपद्का बेला खेलकुद क्षेत्रबाट पनि प्रभावित नागरिकको राहत तथा पुनर्स्थापनामा सहयोग पुर्याउने उद्देश्यले रकम प्रदान गरिएको जनाएको छ ।
प्रकाशित मिति: मंगलबार, भदौ २३, २०८३
-1784890653-1788942355.jpg)
