काठमाडाैं । नेपालमा आइतबार थप २ सय ९३ जनामा कोरोना भाइरसको संक्रमण पुष्टि भएको छ।
आइतबार विभिन्न प्रयोगशालामा गरिएको परीक्षणमा थप २ सय ९३ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
यससँगै नेपालमा कोरोना संक्रमितको संख्या १५ हजार ७ सय ८४ पुगेको छ ।
संक्रमितमध्ये ३५ जनाकाे मृत्यु भइसकेकाे छ ।
यसैगरी पछिल्लो २४ घण्टामा देशैभरबाट १ सय ३२ जना कोरोना संक्रमित डिस्चार्ज भएका छन् ।
हालसम्म नेपालमा कोरोना भाइरसको संक्रमण भएका ६ हजार ५ सय ४७ जना डिस्चार्ज भइसकेको मन्त्रालयले जनाएको छ ।
प्रकाशित मिति: आइतबार, असार २१, २०७७
-1732776560.jpg)
