कैलाली । सुदूरपश्चिम प्रदेशमा काेराेना संक्रमणका कारण थप १ एक जनाकाे मृत्यु भएकाे छ ।
अछामको रामारोशन गाउँपालिका ५ का ४५ वर्षीय पुरुषमा मृत्युपछि कोरोना पुष्टि भएको जिल्ला अस्पताल अछामका सूचना अधिकारी देव जोशीले जानकारी दिए ।
ती पुरुषकाे असार १४ गते आइतबार बयालपाटा अस्पतालमा मृत्यु भएको थियो । उनी भारतबाट गौरीफन्टा नाका हुँदै जेठ २७ गते अछाम पुगेर क्वारेन्टाइमा बसेका थिए ।
असार १३ गते श्वासप्रश्वासमा समस्या आएपछि उनलाई उपचारकाा लागि बयालपाटा अस्पतालमा लगिएको थियो । आकस्मिक कक्षमा उपचारकाे क्रममा उनको आइतबार दिउँसो २ बजे मृत्यु भएको थियो ।
योसँगै सुदूरपश्चिममा काेराेनाका कारण मृत्यु हुनेकाे संख्या ७ पुगेकाे छ भने नेपालमा काेराेनाबाट मृत्यु हुनेकाे संख्या ३० पुगेकाे छ ।
प्रकाशित मिति: मंगलबार, असार १६, २०७७
-1732776560.jpg)
